Prokuroria e Shtetit: Po bastiset një objekt në qendër të Prishtinës, dyshohet se janë duke u ofruar shërbime të kundërligjshme mjekësore

18:28 | 31 Janar 2024
E.G

Prokuroria Themelore në Prishtinë ka njoftuar se nën udhëheqjen e Prokurorit të Shtetit në koordinim me Policinë e Kosovës, Drejtorinë për Hetime Rajonale në Prishtinë, është duke u realizuar bastisje në një objekt në qendër të Prishtinës.

Sipas Prokurorisë, në të njëjtin objekt dyshohet se janë duke u ofruar shërbime të kundërligjshme mjekësore, shkruan Arbresh.info.

“Prishtinë, 31 janar 2024– Prokuroria Themelore në Prishtinë, njofton opinionin publik se nën udhëheqjen e Prokurorit të Shtetit në koordinim me Policinë e Kosovës, Drejtorinë për Hetime Rajonale në Prishtinë, është duke u realizuar bastisje në një objekt në qendër të Prishtinës, ku dyshohet se janë duke u ofruar shërbime të kundërligjshme mjekësore në këtë objekt.”, thuhet në njoftimin e përbashkët të Prokurorisë Themelore dhe Policisë./Arbresh.info/